Tambow 1943 - 1945 / 37 Joer duerno...
Amicale des Anciens de Tambow
1982
"...Fir ët fir jiddereen verständlech ze maachen ouni an anere Brochüren nozesichen, greife mir ganz kuurz an d'Joer 1939 zréck.
Dat Joer, wou an allen Dierfer vum klengste bis zum gréissten, an an all Stied mat vill Fleiss, Aarbecht an Hemechtsléift Honnert Joer Onofhängegkeet gefeiert gouw, trotz der grousser internationaler Krisis, déi an den 30er Joeren och an eisem Ländchen vu ganz ville Familljen haart gespuurt gouw, vleicht vill méi wéi bei dér vun haut.
Wat sech zënter 1933 déi Säit der Musel, Sauer an Our geännert hat, konnten déi meescht Lëtzeburger net esou matkréien an hu gegleeft un d'Neutralitéit, wéi si sech virgestallt hun an hu gehofft, datt si och vun all eise Noperen respektéiert géiw. Dat huet jo och de "Führer des dritten Reiches" 1939 feierlech proklaméiert..."